الشعر لما ابتدى
كان كلمه مكبوته
خرجت بتحكي
الوجع تشبه لحدوته
ياكاتبين الشعر
بالقافية والأوزان
مين اللي عرى الوطن
وفي قصيدكم هان
الشعر مش للغزل
ولا وصف غصن البان
الشعر ساحة المحن
قوافيه بتضرب نار
سوره كسد منيع
للخونه والفجار
في جناسه تلقى البطوله
وبحره يخرج نار
يمسك بأيده الدفه
ويحارب التيار
كطفل غزه البريئ
حجره بارود مع نار
الشعر كلمة حق
بتهد ١٠٠٠ جدار
سلام يا أهل الادب
ع الشعر والشعار
صبحي الامام عتمان
