مقاطع زجلية شعر مصباح المهدي
************
……..
شايل جراحي على كفي
ياريت يكون كفي مكفي
أناقلبي منك مستكفي
يادنيا مارحمتيش إنسان..1981
………….
العيد تقمّص دورالعيد
حسب النتيجة وف المواعيد
اللي أشار بيها الفلكي
……..
كام مرة تاهت ولقوها
روحي اللي ف الزحمةفاتوها
دوامة واخداني ل توهه
لا وصل صادق ولاهجران..1988
……….
فاكراني فاكرة كمان إسمي
يمكن كمان فاكرة العنوان
بتقولي عامل إيه عايش
عايش وبانعم بالنسيان ..1988
……………
يابنت يا اللي اسمك عزة
لا قفل ع الباب ولارزّة
خرجتي مارجعتيش تاني
يابنت يااللي اسمك تغريد
أنا شفت آخر عيد فيكي
كان الفرح م العيد للعيد
مش ناوي يرجع غير بيكي
…………
يا بسمتك موسم أزهار
يا رقتك ريحة الجنة
أنا باستعيذ بيكي من النار
حضنك نصيبي من الجنة
………….
محتاجة قدر من الغفلة
أو قفلة وهروب للداخل
ممكن تقول أنا مش داخل
وتبات بلا إحساس برّة
………….
الصبح تلمحه ف عيونهم
والشمس طالعة لهم م الغيط
الفلاحين فتحوا الميّة
على الدره شق صيامه
وصلّى مغربه وقيامه
وسجد وقام آية سجدة
…………..
سحبواالشريط من تحت القطر
سحبواالل كان فاضل ف الجيب
خرجت اخربط ف الكراكيب
دخلت أرتّب أوراقي
طلعت بي مترين أشواقي
نزلت بي ست امتار حيرة
يادماغي كان قرص ابتلدون
بيروّقك ولارزع الشوم
ماشي أنا أربع ترباع
شبه الل باع آخر ماله
سجبواالشريط من نحت القطر
…………….
أنا باطرحك من خرابيطها
واطرح عليكي نفرفطها
الدنيا من باب إحباطها
حبة بلادة تظبطها
والأمر لله مهما يكون
***************
مش راكبة\تركب\ ركّبها
أحزاني زادت كراكيبها
وكأنّي راح اعزّل تاني
بتحلها حلّت وسطك
دفعت قسطك لترين دم
عديت من (ازاي)ملعب (كم)
ألله يكون ف العون تفرج
*******************
ياابني كأنّي سنين باقراك
عناوين رجعت اقراك تاني
ربّاني ما شربنيش قلبك
جميل نقي طيّب حاني
………………
وكأنّي بيت بايش ملموم
على بعضه فوق بعضه هاينهار
من حتّة من سقف بتنهار
من شرخ عرض الباب ف جدار
خايف نهار يطلع ما الاقيش
غير بعض مش رابط مع بعض
كالعادة ينضرب المربوط
كالعادة مايخافش السايب
********************
ياابني بيدبحني سكاتك
قدّام حاجات بتشوفها وبس
تعمل كأنها مش عاجباك
تدوس وتضحك من غير حس
ضهري انحنى خليك ضهري
وازرع أماني ف بستاني
***********************
أنا الل كنت هناك مارجعش
وحياتي عندك رديني
عندي أمل لسه ماعجزش
إن انتي راجعة تضميني
يابنت يا اللي اسمك عزة
لا قفل ع الباب ولارزّة
خرجتي مارجعتيش تاني
يابنت يااللي اسمك تغريد
أنا شفت آخر عيد فيكي
كان الفرح م العيد للعيد
مش ناوي يرجع غير بيكي
********************
//// الدم لون صفحات الفيس
الدم ويّا الفول ف الكيس
والدم كلمة سر الليل
يا شعب غزة ماتستناش
***********************
ف البدء قال\ رمضان جانا
رمضاؤه في حر بؤونه
وانا الل خايف اقول تنور
ولع وجواه حدفونا
وصوتي مش جايب وحوي
ولالسه بدري ياشهر الصوم
ولا قلت كالناس وبعوده
وعضمي بقى ناقص رطلين
رمضان كريم والشمس وابور
*********************
وابور طحين طاحن بالي
تحت العجل جرجرتني طيف
لا إنه عاش ولابات صاحي
راسي ياعلبة كيل مدقوق
والكيل طفح م الل جرالي
وكأنها قرصة جوعي
هيه الل هتسدد دين مصر
وكأنها شدة بطني
هيه الل هتعجل بالنصر
ليه كل مرة على حسابي
تدّينوا وادفع أنا دين مصر
رمضان كريم رمضان جانا
*******************
*********************
وانا فجأة نازل م السلّم
لقيتني نازل نازل تحت
القصّة مش تعبان ريّحت
أنا كهل بدّل فحت ب فحت
******************
ضفيرة الأعصاب شاطت
وريحة الدخّان هبلة
ف وداني شغّالة الطبلة
وف راسي نازل رزع الطار
**********************
أ
طيّب بلاش تسألي عنّي
إدعي لي وبس
خمسين سنة مش ف الخدمة
وطلعت معاش
معاش مبكر نص رغيف
وعشاياإني أنا بدري
من غير تكليف
البطن أنضف م الصيني
والقلب نضيف
*************
العهدة بددها الراوي
من غيرمايعمل لها تكهين
راسي تلات اربعه ضارب
والربع مش عارف على فين
قلبي اللي كان مليان طيبة
بقى مرمى نيران متعاركين
**********************
الشنفرى نادى تأبّط
وكان معاه عروة بن الورد
مع السليّك بن السلكة
العيد تقمّص دورالعيد
حسب النتيجة وف المواعيد
اللي أشار بيها الفلكي
******************
الموت ساعات بيكون مطلب
بيكون مهرب\
بيكون إقلاع
الموت علاج لصداع مزمن
ساكن ف الروح
*******************
عاشق فؤاد حدّاد لمّا
بيبعترك شعرة اللمّه
بيفنطّك ف الكوتشينه
ولد وبنت بقت نينه
ولد صبح (جدّو بشنبات)
…………
تحت البيجامه فؤاد حداد
لابس على اللحم بهيه
سجنوه عشقها بكل حماس
سجنوه بكى النكسة بإحساس
ياابو أمين كلنا أولاد
*******************
أصوم أصوم وافطّر ع الدم
أنا من سنين غرقان ف الهم
إعطيني لو بسمة على الريق
قلبي تركتيه خرباية
