الله يعينك
شعر
..#مصباح_المهدي
مش عايزينك
عايزين بس يطلعوا دينك
قبل النوم
عايزين بس يطلعوا دينك
لما تقوم
وانته تقب وتغطس ترجع
بالمعلوم
تسرق تحرق تغسل مال
المطلوب منك تشتال
حمل جمال ما تقولش
تعبت
المطلوب منك تتسلح
بالسندات وبورق المال
أسس شركة ودخل فيها
حد يجيب الديب ف شوال
أي حرام تعدله ع القبلة
يصبح طيب وابن حلال
مش عايزينك
عايزين بس تسدد دينك
للبقال
تعمل زي الناس تحويشة
تستر بيها بنات وعيال
ناسيين إن الرزق على الله
والمشكلة مش ف الشغال
المشكلةف عنيهم عجزك
عن تحويل الأشعار مال
خمسين سنة مطلوب تتعلم
ترفع راية رأس المال
لا اشتراكية ولا عمال
أللة يعينك ألله ياخدك
ويعوضهم عنك مال
